Advertisements
طريقة عمل ورق العنب
Ingredients
- ٣ كوب رز مصري مغسول
- ٢ بصلة مفرومة
- ٢ طماطم مفرومة
- فلفية مفرومة
- بقدونس و كزبرة خضراء مفرومين
- ٣ فصوص ثوم مفرومين
- ٢ م.ك صلصة
- عصير ٢ ليمونة
- ٣ م.ك دبس رمان ممكن تستبدل بسكر
- ٣/٤ كوب زيت زيتون
- البهارات: فلفل اسود، سماق، شمار، كزبرة، بابريكا، نعناع مجفف، سكر، ملح
- برطمان ورق عنب نص كيلو
- بطاطس مقطع شرايح سميكه
للتسقية:
- كوبين شوربة دجاج او موية مغلية + مرقة دجاج
- ملح
- ملح ليمون
- نص كوب زيت زيتون + دبس رمان
- *ممكن نستغني عن دبس الرمان
Instructions
- اول حاجه لازم نغسل ورق العنب كم مره كويس بموية و خل عشان ما يكون فيهو طعم مراره بسبب المواد الحافظه. اذا حاسين انو ورقةالعنب سميكة نسلقها في مويه لمدة دقيقه و نص ما اكتر.
- للحشوه نقلب كل المكونات المذكورة كويس جدا في وعاء.
- لمن نجي نحشي لازم الجهه الناعمه من ورقة العنب تكون لتحت عشان هي الحتكون برة ظاهره و الجهه الظاهره فيها العروق تكون لفوق. نفرد ورقة العنب و نخت فيها كمية مناسبه من الحشوه ( ما اكتر من معلقه صغيره) و نحاول نعمل شكل اسطوانه بالحشوة في نص الورقة وبعدها نطوي اطراف الورقة لجوه و بعدها نلف كأنو بنلف cinnamon rolls و نحاول نضغط و نحن بنلف عشان تكون متماسكه. نلف كلكمية الورق العندنا. بعدها نرص شرايح البطاطس في قاع الحلة الحنسوي فيها ورق العنب و بعدها نخت طبقه من ورق عنب (ما محشي) عشان يكون عازل و بعدها نبدا نرص اصابع ورق العنب و نحاول انو ما يكون في فراغ بقدر الامكان عشان ورق العنب ما يفتح و تطلعالحشوه. بعدها نخت طبقة ورق عنب (ما محشي) فوق اصابع ورق العنب كطبقة اخيرة. و بعدها نكب فيهو الشوربة و زيت الزيتون و دبسالرمان. و اخر حاجه نجيب صحن يكون بتحمل الحرارة (بايركس) و نختو فوق ورق العنب و نخت فوقو حلة تقيله او صحن تاني تقيل عشاننكبس ورق العنب و ما تنفتح وحده. اذا حتسوو في بريستو (حلة ضغط) حتكون التسويه على نار متوسطه لمدة ١٥-٢٠دقيقه. و اذا حتسووفي حله عاديه حنسويهو على نار هاديه نخليهو يستوي براحتو من ساعه لساعه و نص لحدي ما ورق العنب يتشرب الشوربه.